طرائف وغرائب جورج وسوف

[TheEagle]

نقل لي بعض أصدقائي المقربّون من سلطان الطرب جورج وسوف بعض الأخبار الطريفة والمقالب التي يفعلها أبو وديع واليكــــــــــــــــــم بعضها:

-قرر ابو وديع ذات مرّة ممارسة هوايته بالقنص وذلك باقتناص التفاحة من على رؤوس مرافقيه ...!! ( ولكن بالطبع بالوسائل السلمية)

-قام أبو وديع ذات مرة بتركيب بفلات على ظهر حمار ووصلهم بميكرفون لترديد أصداء صوت الحمار في أرجاء الكفرون............

ومن بعض المقالب مثلا انه مرة مثلّ احد مرافقيه انه مطرب كان يغني بأحدى سهرات الوسوف ومثلّ انه أصيب بطلق ناري من الوسوف لان الوسوف لم يعجبه غناؤه وكان هذا الشيء بحضور أحد مطربي الساحل الذي كان يشاركه الغناء مما جعل المطرب الساحلي يلوذ بالفرار بعيدا


_والكلام طبعا" على ذمة الراوي_

[يا عيني آه]

وخود هالشغلة يلي صارت معي شخصياً:مرة كنت بدي أحضر حفلة للوسوف ونجوى كرم بشراتون الشام... ولما سمعت إنو الوسوف صار قريب من باب الصالة طلعت مشان أشوفو وكنت طالع ركض وبإيدي سيكارة مش مشغلها ولما شافني هيك ملهوف قللي هات السيكارة لشوف قمت عطيتو اياها... قام قللي التدخين بيضر الصحة بس معك قداحة... قمت عطيتو قداحة... قام قللي ذوقاً كان لازم تشعللي السيكارة بس يلا مرقت هالمرة... وشغل السيكارة وسحب سحبتين ورماها وتطلع فيي وقللي يلا سبقني لجوا وصار يضحك... بعدين قرب على باب الصالة ونادى على الفرقة تبعو مشان يبلشوا وقلهم يلا يا حوش... وطبعاً كل الوقت عمبيضحك وعمبيقفل على الرايح والجاي.

[Puppet]

كتير مهضومة فكرة الموضوع يا the eagel
وهيدي الخبرية مني :في عزاء احد الاشخاص المقربين من الوسوف كان كل شخص بيقرب منه وبده يعزيه يعطيه (اصانص وسكي )ويقله هي عن روح المرحوم ....:D :D :D :D

[Yaso]

طيب اجا دوري
كان مرة الوسوف طالع من بيت الآغا بحمص و ابن عمتي واقفلو عالباب و حامل اخ رفيقو صغير عمرو شي 5-6 سنين قام لما طلع الوسوف رفع ابن عمتي الصبي و قللو لجورج هيدا جورج الصغير قام حملو وباسو قام قللو ابن عمتي طيب وانا جورج الكبير:D :D :D :D :D :eek: :eek: :eek: :eek: :confused: :confused: :confused: :confused: :D :D :D
اجا قللو جورج : اي روع روع (روح):D الله لا يكبرك:eek: :D

[Puppet]

طيب هي خبرية كمان عن ابو وديع:
يمكن في ناس بيعرفوها عن الوسوف واللي هيي تزمير الوسوف بزمور هوا وقت اللي بيكون بالكفرون ,فكل شوي بيطلع وبيزمر فيه شوي وهيك اهل الكفرون بيعرفوا انه الوسوف ببيته بالكفرون ,ويمكن يزمر بنص الليل !!!! ما هيدا الوسوف ما في شي بيمنعه عن تصرفاته حتى ولو كانت بعد نص ليل .

[TheEagle]

وهي خبرية جديدة..............

مرة أثناء إحييائه حفلاُ في لبنان _خلال فترة توتر العلاقات_ ونظرا لانزعاجه من بعض اللبنانيه اللي كانوا ما يجيبوا سيرة سوريا بالعاطل أمرّ فرقته الموسيقية بعزف النشيد العربي السوري للصبح بنص بيروت!!!!!!!!!!!!!!!!
أبو وديع .............آه يا ملك

[MaDBoY]

ههههههههه حلوين هيدول بس يا ريت عندي شي شغلي قول بس عجبتني اكتر شي تبيعيت The eagle

[Puppet]

بلقاء الوسوف مع مساري ساله الوسوف لمساري شو بدك تشرب وطبعا كانوا ببار فقله massari شاي .....فضحك الوسوف من قلبه وقله هلا جايي من كندا ع سوريا بس حتى تشرب شاي ...
ووقت طلب منه massari صورة قله الوسوف sorry ما بتصور من دون make up

[عاشقة الوسوف]

هههههههههههههههه لك عنجد انو كبير ورح يبقا كبير وشوما عمل باخود العقل بس احلا شي الوسوف الكبير هي عجبتني

[leen]

ههههههههه حلوين بس في وحده ما حبتها تبعت العزاء حرام ولووووووو

[وسوف ليبيا]

الوسوف اكيد الوسوف دايما وهلبة حاجات صايرة معاه

[TheEagle]

في أحدى حفلاته مؤخرا أعطته احدى المعجبات صورة له ليوقع عليها قام دعسها ثم وقع عليها وأعطاها للمعجبة أمام ذهولها


وفي مرة من المرات زت له أحدهم دب أبيض ......فقام أبو وديع بركله بحركة رياضية فنية للجمهور.....