المساعد الشخصي الرقمي

مشاهدة النسخة كاملة : لغز مين بحله !!!!



Wind Of Change
01-03-2008, 02:35 AM
صيّاد صاد أفعى ... كم طولها الأصلي ... ؟؟

اتبع العلاقة الرياضية:

( الطول الأصلي * 2 ) + (نصف الطول الأصلي) + (ربع الطول الأصلي) + 1 = 100 م

...........................................

enamorada
01-03-2008, 10:03 AM
هلأ بعد الحسابات طلع معي انو طول الافعى : 36 ......نشالله يطلع معي صح .....:d

moment of peace
01-03-2008, 06:10 PM
الطول الأصلي باشا 36
طبق على العلاقة
( 36 * 2 ) + ( 18 ) + ( 9 ) + 1 = 100

wine
01-03-2008, 08:49 PM
طولها الأصلي هو 36 م

( 36 * 2 ) + ( 18 ) + ( 9 ) + 1 = 100 م

Ghaithj
01-03-2008, 11:44 PM
برافو . . . واضح انكم حليتوه مزبوط . . .
وبنكفي بحزورة من عندي . . .

ماالعدد الذي اذا ضربته في 3
وأضفت الى الناتج 3
وقسمت الناتج على3
وطرحت من الناتج 3
كان الباقي 3

safita-one
02-03-2008, 12:16 AM
الجواب هو الرقم 5
وطريقة الحل نمشي بالعكس

Ghaithj
02-03-2008, 04:08 AM
برافو Safita-One جوابك صح

الرقم 5


- ماالعدد الذي اذا ضربته في3 : 3 * 5 = 15
- وأضفت الى الناتج 3 : 15+3 = 18
- وقسمت الناتج على3: 18 / 3 = 6
- وطرحت من الناتج 3 : 6-3 = 3
- كان الباقي 3 => اذن العدد هو => 5

بنكفي وبنصعب الحزورة شوي . . .

كيف يمكنك الحصول على 1000
باستعمال الرقم 8 ثمان مرات؟
باستخدام عملية حسابية واحدة
(جمع - ضرب - طرح - قسمة)

safita-one
02-03-2008, 02:57 PM
لنجرب حظنا:
8/8=1
1*8=8
8+8=16
16*8=128
128*8=1024
1024-8=1016
1016-8=1008
1008-8=1000
مقبولة هيك ؟؟

Ghaithj
02-03-2008, 09:58 PM
أكـــيــــد حلك خـــطـــــأ . . .

anglina
02-03-2008, 10:58 PM
بظن انو هيدا هو الحل:888+88+8+8+8=1000
وياريــــــت يكون صح يا استاذ غيث:d:d

Ghaithj
03-03-2008, 09:58 PM
حلك صحيح تماما ً Miss-Angelina
قدرت بعملية حسابية واحدة الحصول على العدد 1000

الحزورة التالية

حقق صحة المعادلة التالية بإضافة خط واحد ؟

http://www.safita1.com/vb/attachment.php?attachmentid=12854&stc=1&d=1204574194

أسمر
05-03-2008, 10:41 AM
والله يا غالي يا ريت ترجع ترفع الصورة...لأنها مانها طالعة....ويعطيك العافة...

Ghaithj
05-03-2008, 10:50 AM
لعيونك يا أسمر
الحزورة التالية

حقق صحة المعادلة التالية بإضافة خط واحد ؟




http://www.safita1.com/vb/attachment.php?attachmentid=12873&stc=1&d=1204706994

heba
05-03-2008, 01:06 PM
شو منشان :o
ليك خليني قلك بنحط الخط بشكل عمودي ع اشارة المساواة وخلصنا :D
بتصير انو خمسة وخمسة وخمسة ما بتساوي خمسمية وخمسا وخمسين ....:D ما احلاها تساويا :D
كيفني معك بحياة الله :p

Ghaithj
05-03-2008, 01:35 PM
بحياة الله حلك صح:D بس مانه مقبول:(
يرجى حل الحزورة مع بقاء التساوي بين طرفيها:rolleyes:

Lina-Kh
05-03-2008, 01:48 PM
طيب المعادلة هي 5+5+5=550

خلينا نحط خط مايل عالـ + ليصير بشكل 4 وبتصير المعادلة 5+545=550

صح :confused::confused::confused::confused:

Ghaithj
05-03-2008, 02:29 PM
يا عيني عليكي يا لنوش . . .


http://www.safita1.com/vb/attachment.php?attachmentid=12874&stc=1&d=1204720117



يالله رح نسهل هالمرة الحزورة . . .

قطعة قماش طولها 16متر .... يقص الخياط كل يوم 2 متر من هذه القطعة ..
كم يلزمه من يوم ليقص القطعة بأكملها ؟

مطر
06-03-2008, 03:58 PM
أوكي سهلة بدنا 7 تيام تنقصها كلها عفوا بدو الخياط سبع تيام مو نحنا بدنا
صح مو ;)

Ghaithj
07-03-2008, 12:57 AM
تماما يا مطر . . . جوابك صحيح
يلزمه 7 أيام....
اليوم الأول يقص 2 امتار، يبقى لديه 14 مترا
اليوم الثاني يقص 2 امتار، يبقى لديه 12 مترا
اليوم الثالث يقص 2 امتار، يبقى لديه 10 أمتار
اليوم الرابع يقص 2 امتار، يبقى لديه 8 أمتار
اليوم الخامس يقص 2 امتار، يبقى لديه 6 أمتار
اليوم السادس يقص 2 امتار، يبقى لديه 4 أمتر
اليوم السابع يقص 4 أمتار إلى النصف....


اللغز التالي وهو لغز بوليسي
يقوم بحله هيركل بوارو الذائع الصيت والمشهور جدا في منتديات صافيتا ون


اما التفاصيل فهي كالتالي
وقعت حادثة سرقه فى محل ذهب والجانى مجهول والمحقق"Herucle Poaro" صاحب الذكاء الحاد ,والهدوء الغريب والمشهور بشاربيه الرفيعين وهو المكلف بالبحث عن الجانى.


سأل "Herucle Poaro" صاحب المحل عن عدد العمال فأجاب أنهم ثلاث عمال "سعد" ويعمل فى المحل منذ ثلاث شهور و"رؤوف"ويعمل فى المحل منذ سنه كامله أما الأخير فهو "عمر" ويعمل فى المحل منذ ستة أعوام وعند البحث عن البصمات وجد أن جميع الزجاج الموجود فى المحل والذى تم تركيبه منذ أسبوع واحد فقط يحمل بصمات جميع العاملين وبعض زبائن المحل وعندما قام "Herucle Poaro" باستجواب العمال.


قال "سعد" لقد كنت مريض وحصلت على اجازة منذ ثلاث أيام ولم أعرف عن سرقة المحل الا منكم الآن.
اما "رؤوف" فقال أنا كنت مسافر وحصلت أيضا على اجازه منذ أسبوعين ولم أعرف الا منكم الآن عن السرقه
أما "عمر" فقال انا اعمل هنا منذ ستة أعوام ولم يحدث مثل هذا الشئ أبدا وصاحب المحل يأتمننى ويعلم جيدا أني لم أسرق المحل.


بعد الاستجواب البسيط استطاع Herucle Poaro معرفة الجاني بحنكته المعهودة . . . واثبت جدارته على صفحات صافيتا 1 مرة اخرى
والان بعد قراة اللغز هل علمت من هو السارق؟؟ولماذا؟

مطر
07-03-2008, 01:40 AM
كمان حليتها
السارق هوي رؤوف
لأنو زجاج المحل ركبوه من أسبوع واحد بس و الأستاذ رؤوف كان آخد إجازة من اسبوعين وبالرغم من هيك لاقو بصماتو عليه
ميرسي الك غيث على هالالغاز الحلوين وانشالله يكون جوابي صح

Ghaithj
07-03-2008, 02:18 AM
برافو مطر ملاحظتك دقيقة . . . متل هيركل بوارو
الجواب صحيح . . . ورؤوف الان خلف القبضان .


نكتفي من الجرائم والسرقات وننتقل لحزورة اخرى
كم مرة ينطبق عقربا الساعة على بعضهما في اليوم الواحد ؟

مطر
08-03-2008, 08:33 PM
معقول 24 مرة :(بس اذا 24 يعني بتكون الحزورة كتير سهلة يلا انشالله يطلع صح الجواب :o

Ghaithj
08-03-2008, 10:07 PM
لا يا مطر هالمرة ما زبطت معك . . . فكر فيها مزبوط أو اسهل شي جرّب تعدهم . . .

مطر
08-03-2008, 11:22 PM
اوكي عديناها على الساعة و ورم اصبعي انا وعم ابرم بالساعة وطلع آخر شي معي 23 مرة صحيح هالمرة الجواب ما :confused:

Ghaithj
08-03-2008, 11:46 PM
كمان خطأ ... انتبه ع الساعة لا تخربها ;)

admin
09-03-2008, 01:48 AM
طلع معي 22 اذا بلشنا الحساب من اي ساعة غير الساعة 12
بس اذا بلشنا الحساب من الساعة 12 وحسبنا انو بالساعة 12 في تقاطع بيطلع الجواب 23


اما اللغز يلي بدي حزرك ياه هوي اذا كان عقرب الساعات بين الساعة 10 والساعة 11
وين بيكون عقرب الدقائق وعقرب الثواني اذا كانت الزاوية بين عقرب الدقائق وعقرب الساعات زاوية قائمة

heba
09-03-2008, 01:59 PM
بيتقاطعو 22 مرة ;)
ب اول 12 ساعة بيتقاطعو 12 مرة اوكي
بس بالنص التاني من النهار رح يتقاطعو 10 مرات ....
يعني اول تقاطع راح بال قبلو وتاني تقاطع راح بال بعدو :p

بالنسبة لحزورتك ادمن مع انك محزرا لغيث حسب ما فهمت :o
بس ما بقدر ما قول جوابي .... 11 الا تلت ....
عقرب الثواني بقا الله اعلم وين بيكون حسب نوع الساعة :D
يلا ناطرين اسا حزازير
ميرسييي

مطر
09-03-2008, 04:13 PM
أي صحيح بكير بس آخر شي طلعت معي يا غيث 22 مرة يلا بسيطة وما حزرتها إلا وخربت ساعتي أكيد عم أمزح :p
وكرمال حزورت الأدمن مو بيكون عقرب الدقايق على ال 11 إلا تلت يا هبة بظن رح يكون عقرب الدقايق بين ال 7 وال 8 حتى يكون زاوية قائمة
ومتل ما قلتي عقرب الثواني مستحيل نحددو وينو هيك بظن الجواب.

Ghaithj
10-03-2008, 11:41 AM
بالنسبة لرد أدمن وهبة ومطر للحزورة الماضية هوي صحيح والجواب 22
ولا يهمكم يا مطر وهبة بيطلعلكم هدية متواضعة تعويضية من صافيتا ون لكل واحد منكم ساعة رولاكس بتستلموها من عند العقل زينة ويا ريت تاخدوا كم صورة للذكرى.

اما بالنسبة لحزورة الادمن الجديدة فالفكرة بسيطة بس الحل صعب
واكيد في معادلة لحركة العقارب.
وعكس ما قلتوه يا مطر وهبة يمكن تحديد موضع عقرب الثواني تماما ولكن اعتقد ان ذلك يتم عن
طريق معادلات بدلالة الجيب والتجيب ( نسب مثلثية ) التي يستخدمها المبرمجون ومتقنو الفلاش:eek:
ولكن ساحاول ان اعطي جوابا تتقريبيا بالاعتماد على التناسب والزوايا الهندسية:rolleyes:

في البدء هناك حلان الاول عندما تكون عقرب الدقائق بين 1-2 والثاني عندما يكون بين 7-8


الحل الاول:
الزاوية المتكونة بين العقرب عندما يشير على الواحدة وعندما يشير على الثانية هي12%360=30 درجة
يميل عقرب الساعات بعد العاشرة بقليل عندما يكون عقرب الدقائق على الواحد
وهذه الزاوية هي 30% 12=2.5
وحتى تكون قائمة يجب ان يقطع عقرب الدقائق الواحد بـ 2.5 درجة
وعندها يكون عقرب الدقائق يشير للزاوية 32.5
وتعادل بالدرجات 32.5 *15%90 وتعادل الخمس دقائق وبضعة ثواني
اما عقرب الثواني فيشير الى 0.41*60=24 ثانية
الحل الاول يصبح10:05:24

الحل الثاني
عندما يكون عقرب الدقائق على السابعة فيميل عقرب الساعات بعد العاشرة بزاوي 2.5*7=17.5
وبتحقيق الزاوية القائمة يجب ان يميل عقرب الدقائق بعد السابعة بـ 17.5 جرجة
وبالتالي يشير حضرته اي عقرب الدقائق على الزاوية 180+30+17.5 =227.5
وتعادل قيمتها 37 دقيقة
وعقرب الثواني 0.91*60=54
والحل الثاني يكون 10:37:54


الحل ليس دقيقا ً كفاية . . .

مطر
10-03-2008, 04:52 PM
يا عيني عليك يا غيث أنت بتنزل حزورة ونحنا بنجاوب والعقل زينة بيدفع ولاء شو ساعات رولاكس أكيد هلىء بيكون انجلط على هيدي الخبرية
وأنا مو عرفانة حالي مع مين داخلة و مفكرة الحزازير بسيطين طلعت الشغلة فيها معادلات رياضية أي أنا ما بعرف وين الله حاطنني تأعرف وين عقارب الساعة
طيب أنا عندي حزورة بين ما الأدمن رد على الحل والحزورة سهلة ونغنوشة وهيي:

هناك ستة أكواب موضوعة في صف مستقيم
الثلاثة الأولى ملأى والثلاثة الأخيرة فارغة
اذا حركت كوبا واحدا وتصرفت به , فكيف يمكنك ترتيب هذه الأكواب بحيث لا يبقى كوبان مليئان متجاورين
ولا كوبان فارغان متجاورين؟
بالتوفيق

Ghaithj
10-03-2008, 05:14 PM
الهدية اكيد مو من قيمتك يا مطر . . . بس هيدا حل الحزورة النغنوشة تبعيتك

http://www.safita1.com/vb/attachment.php?attachmentid=12948&stc=1&d=1205158370


الحركة الوحيدة هي سكب محتوى الكوب الثاني في الكوب الخامس

مطر
10-03-2008, 09:51 PM
أكيد مافي حاجة قلك الجواب صح وجايب صور كمان منين جايبهن مشالله عليك يعني أنا لو بدي حط الجواب ما كنت ظبطتو هيك
طيب سؤال تاني نغنوش وحلو

كيف ترتب الأرقام من 1 الى 9 في شكل مربع يتألف كل ضلع من أضلاعه من 3 أرقام بحيث يكون مجموع كل صف من الأرقام عاموديا وأفقيا وتقاطعيا يساوي 15؟ ;)

على جنب أنا بنت مو شب :p

safita-one
10-03-2008, 10:31 PM
4 3 8
9 5 1
2 7 6

اهلا وسهلا فيكي كيف ما كنتي

Ghaithj
10-03-2008, 10:38 PM
;););)
http://www.safita1.com/vb/attachment.php?attachmentid=12953&stc=1&d=1205177906

مطر
11-03-2008, 12:23 PM
أهلين وسهلين فيك صافيتا ون و مشالله عليك أنت وغيث ما لحقنا نحط السؤال فورا عرفتوه طيب هيدا سؤال أصعب بس انشالله ما يكون شي حدا سامعو من قبل:

لديك 10 مجموعات كل مجموعة تضم 10 خواتم و وزن كل خاتم 10 غرامات إلا مجموعة وحيدة تضم أيضا 10 خواتم ولكن يبلغ وزن الخاتم الواحد 9 غرامات كيف تستطيع أن تعرف المجموعة الأقل وزنا مع العلم أنه لا يحق لك أن تستخدم الميزان الالكتروني سوى مرة واحدة فقط؟

موفقين ;)

safita-one
11-03-2008, 03:58 PM
حلوة
منشيل من كل مجموعة عالتوالي خاتم من الاولى و اتنين من التانية وتلاتة من التالتة وهيك لنوصل عالعاشرة بنشيل العشر خواتم
مجموع الخواتم بعملية حسابية بسيطة هني 55 خاتم
الوزن الافتراضي لل 55 هو 55*10 =550
بنحطون بالميزان وبنشوف الفرق بالوزن شو بيطلع الفرف بيكون رقم المجموعة يعني اذا الفرق 5 غرام فاذن من المجموعة الخامسة وبتكون هي اللي فيا الخواتم ال 9 غرامات
مظبوطة ولا شو

مطر
11-03-2008, 07:44 PM
مشا لله عليك وأنا اللي مفكرة حالي حاطة حزورة صعبة أنا ضليت عليها ساعتين وبعدين حليتها طيب بدي صعبهون لأنو باينتكون مانكون هينين أبدا" السؤال هوي:

على الطاولة ثلاث ورقات من أوراق اللعب مقلوبة ومرتبة في صف واحد
الى يمين الشاب ورقة ديناري
الى يسار ورقة الديناري ورقة سباتي
الى يمين ورقة الكوبة شاب
الى يسار الملك آص
حدد مواقع الاوراق وانواعها؟

ما بعرف شو السؤال صعب ولا لاء هلىء بنشوف....;)

safita-one
11-03-2008, 09:47 PM
ماني مأكد لنجرب:
من اليسار لليمين
اص الكبة بعدين شب السباتي بعدين ملك الديناري

مطر
11-03-2008, 10:59 PM
أي أكيد صح وباينتك لعيب ورق على المظبوط
طيب جربولي هالسؤال أو بترك دور لغيري
إذا حدا بيحب ينزل حزورة ما يستحي ها :confused:
السؤال هوي سهل وكالعادة نغنوش :

كم عدد درجات السلم

إذا صعدنا سلماً كل درجتين دفعة واحدة يبقى درجة واحدة ، وإذا صعدنا كل ثلاث درجات دفعة واحدة يبقى درجتان ، وإذا صعدنا كل أربع درجات يبقى ثلاثة ، وإذا صعدنا كل خمس درجات يبقى أربع ، وإذا صعدنا كل ست درجات يبقى خمس ، وإذا صعدنا كل سبع درجات لا يبقى شيء ...

فكم عدد درجات السلم ...؟؟؟

هلىء طلعت فوق يا أستاذ صافيتا ون لعيب ورق تنشوف هون إذا أنت رياضي وبتطلع دراج جربولنا بهالسؤال ;)

Ghaithj
11-03-2008, 11:14 PM
119 درجــــــــــــــــة . . .

مطر
12-03-2008, 03:43 AM
أكيد صح أجابتك وللتوضيح :
الإجابة : لا بد ان تكون عدد درجات أحد مضاعفات الرقم 7
وكذلك عدد فردي لأنه يبقى درجة بعد الصعود درجتين درجتين

العدد هو 119

لأن :
2 × 59 = 118 ويبقى درجة ... أي اننا نصعد 59 دفعة
3 × 39 = 117 ويبقى درجتان .. أي اننا نصعد 39 دفعة
4 × 29 = 116 ويبقى ثلاث درجات .. أي اننا نصعد 29 دفعة
5× 23 = 115 ويبقى أربع درجات .. أي اننا نصعد 23 دفعة
6 × 19 = 114 ويبقى خمس درجات .. أي اننا نصعد 19 دفعة

اذان عدد درجات هذا السلم 119 درجة

طيب سؤال سهل وأكيد رح تحلوه معاد أتشارط على هالشغلة بس تنشوف مين رح يحلو:

رحت مرة لعند وحدة من رفقاتي أبوها بيبيع حليب
لقيتن محتارين وملبكين شبكن شو في
قال والله في عنا مشكلة
هاتو لنشوف شو هيي
قال والله في عنا تلات براميل حليب الاول بيساع عشرة كيلو والتاني بيساع سبعة كيلو
والتالت بيساع تلاتة كيلو
عبينا ابو العشرة كيلو كلياتو بس هلأ بدنا ننقل منو خمس كيليات على ابو السبعة وما عنا ميزان نزين في ومانا عرفانين شو بدنا نعمل


والله صفنت فيا هيك قلتلن اي بسيطة


يلا هاتو لنشوف كيف بدنا ننقلن ؟

Ghaithj
12-03-2008, 12:00 PM
وانا صفنتلي شوي وحزرت شو عملت :D
والله طلعتي مانك قليلة :rolleyes:

http://www.safita1.com/vb/attachment.php?attachmentid=12978&stc=1&d=1205312161

ومنكفي بحزورة مهضومة
حيوان باندا كسول جدا.. أراد ان يتسلق شجرة يبلغ علوها 19 متراً ..
بحيث انه في اليوم الواحد يمكنه أن يرتفع 7 أمتار صعودا .. ولكن في الليل يرتاح فينزلق 4 أمتار ..:)
فكم من الوقت يلزمه لكي يبلغ رأس الشجرة ؟!:confused:

مطر
12-03-2008, 02:03 PM
مشا الله عليك يا غيث أنت اللي مانك قليل :rolleyes:
طيب جواب حزورتك هوي خمسة تيام
لأنو عمليا" هالحيوان الكسول عم يطلع كل يوم 3 متار وباليوم الرابع بيكون وصل على ارتفاع 12 متر وبيطلع 7 متار بيكون وصل على راس الشجرة يعني بيكون باليوم الرابع على ارتفاع 12 متر صار على ارتفاع 12 + 7 =19 يعني اعلى الشجرة
صح ما ;)

Ghaithj
12-03-2008, 02:50 PM
ما :rolleyes:

اليوم الأول : 7-4 = 3
اليوم الثاني : 10-4 = 6
اليوم الثالث: 13-4 = 9
اليوم الرابع: 16-4 = 12
اليوم الخامس: 19
شكرا لله وصل الباندا اللكسول لقمة الشجرة...

رح حطلكم هالمرة حزورتين (اسم الله عليكم)

الاولى : سُئل بائع : كم تفاحة معك في الصندوق ؟!
فأجاب : ينعدون ثلاثة ثلاثة ، وينعدون خمسة خمسة ، وينعدون سبعة سبعة ، ولا يبقى شيء . فكم تفاحة في الصندوق ؟!
(الصندوق لا يسع اكثرمن 150 تفاحة)


الثانية : سـُئلت مجموعة من الشباب عن عددها فانبرى احدهم بغطرسة قائلا
نحن ونحن ونصفنا وربعنا وانت معنا نساوي 100 ؟؟؟

safita-one
12-03-2008, 03:30 PM
جواب الاولى :105تفاحة بالصندوق
ناتج ضرب الارقام 3*5*7=105

جواب التانية هو 36 وبظن انو مكررة يعني

مطر
12-03-2008, 08:18 PM
صافيتا ون المدير المالي بيكون أكيد شاطر بالعد فأكيد رح يحلها مو هيك أستاذ صافيتا ون ويلا بسيطة طلعنا شوي من هون لئيناكون حاطين حزورة وحالينها كمان شو مريحين
طيب أنا عندي حزورة كتير كتير سهلة وهيي:


سربا حمام إذا طارت حمامة من السرب الأول وانضمت إلى السرب الثاني ، يصبح السربان متساويين في عدد الحمامات ، أما إذا طارت حمامة من السرب الثاني وانضمت إلى السرب الأول ، فإن عدد حمامات السرب الأول يصبح ضعفي حمامات السرب الثاني، فما هو عدد حمامات كل سرب

هيي سهلة كتير بس بدنا ياكون تفضو مخكون كرمال الجايين.;)

safita-one
12-03-2008, 08:45 PM
حلوة منك مطر
السرب الاول في 7 حمامات
والتاني فيه 5 حمامات
جاهزين عاللي بعدا بس ياريت بلا كلمة استاذ بدنا كتير لنصير اساتذة

مطر
12-03-2008, 09:27 PM
طيب أكيد صح وخلص معاد قلك يا أستاذ صافيتا ون أستاذ :p عم امزح بس شفتك مدير مالي قلنا مو حلوة ما نقول أستاذ
طيب هيدي الحزورة هيي بظن مستحيل حدا يعرف الطريقة بس كتير الطريقة ظريفة فحبيت أعرض المسألة:


انا و وأخي ضعنا بالصحرا ومعانا قنينة ميي وحدة
عطشنا بدنا نشرب بس ما بدنا حدا يشرب اكتر من التاني
يعني بدنا نشرب انا نص القنينة وهوي نص


فشو منعمل ؟ :confused:
تسهلكون الحل كان معنا قلم .

safita-one
12-03-2008, 09:59 PM
بظن انو ببساطة بنعبي بغطا القنينة وبنعد كل واحد اديش بيشرب
شوي صعبة بس هيك طلع معي ......
مع انو مو حلوة هالطريقة يعني، شو ضروري المساواة هون كمان ؟؟!

مطر
12-03-2008, 10:26 PM
لاء يا صافيتا ون مش هيك الطريقة أبدا وأنا ضفتلك القلم بالمعادلة مو عبثا" طيب إذا عجزتوا أنا بحط الطريقة ببساطة على فكرة ما بظن حدا بعرف كيف لأنو ما بتخطر على البال اليوم بليل رح ادخل وحط الحل وبحط وحدي غيرها بتنحل ;)

مطر
12-03-2008, 11:20 PM
الشغلة بسيطة

بشرب انا شفة ومحل ما بتوصل المي برسم خط

بقلب القنينة ولمحل ما بتوصل المي برسم خط

بعدين برجع بشرب شوي وبرسم خط وبقلبا وبرسم خط

وهيك بيصيرو الخطين يقربو من بعضن بس ينطبقو على بعضن بكون شربت نص
واللي بقى بيشربو أخوي

صحتين وهنا
بس رح أشرب انا اول شي اكيد :p

الحزورة التانية هيي:

راح ولد لعند امو قلا امي عطيني حبل
قالتلو امو اي شو فاتحتلك مصنع حبال هون مو مبارح اخدت واحد
قلا اي سمعي شو صار في

اخدتو منك بعدين انتي استرديتي نصو مشان تعملي حبل غسيل
واخد بيي نص اللي بقي مشان يجر السيارة العطلانة
وخيي نص اللي بقي مشان يعمل شبكة صيد
واختي خمس اللي بقي مشان تعمل ربطة لشعرا

فما بقالي غير 30 سم اي ما بينفعو لشي
الحزورة هيي شو الطول الأصلي؟؟؟؟ :confused:

Ghaithj
13-03-2008, 01:00 AM
http://www.safita1.com/vb/attachment.php?attachmentid=12979&stc=1&d=1205359081

heba
13-03-2008, 05:09 PM
يلا اوكي بما اني ملتهية وما عم يصرلي اقعد عالنت رح اقبل معكم بالوضع :(
بس و الا :mad: :mad: :mad: .. قاعدين عم تحزرو بعض وتحلّو من دوني ... :mad:
يلا ماشي الحال .. :p
ميشيل - مطر - غيث ....go on ;)
ومنشان الساعة ... ميييرسي ... شو هالكرم لوووووووول :p

مطر
13-03-2008, 07:56 PM
خجلتني يا غيث أنت بتحط صورعم توضح الحل و عم عذبك معي على كل أنا جربت الطريقة بالبيت كتير الطريقة مهضومة و يلا يا هبة ما راح عليكي شي ليش ما حليتي هالحزورة كتير سهلة .;)

heba
13-03-2008, 09:43 PM
معك حق .... عالصدمة ما عاد انتبهت :D :D
300 سم
ميرسي عالحزازير الحلوين ... ويلا رح حاول نزلي شي حزورة غير شكل .. انشالله لاقي :p

مطر
16-03-2008, 12:51 AM
شو ياهبة نطرتك تتنزلي ما نزلتي ولا حزورة باينتك ما لقيتي وحدة غير شكل بسيطة رح نزل أنا


دخل عدد من الأشخاص الى حديقة تفاح . قطف الأول تفاحه , والثاني تفاحتان والثالث ثلاث تفاحات والرابع اربع تفاحات ... وهكذا .
في النهاية اقتسموا جميع التفاح الذي تم قطفه فكان نصيب كل واحد منهم بالتساوي 7 تفاحات .
كم عدد الأشخاص وكم عدد التفاح ؟؟؟؟؟؟؟ :confused:

يلا سهلة كتير .

safita-one
16-03-2008, 02:07 AM
عدد الاشخاص 13

وعدد التفاحات 91

مطر
16-03-2008, 01:21 PM
الله عليك يا ميشيل
طيب شو الحل معكون كرمال نحط حزورة ونعجزكون فيها مشا الله عليكون ما عم لحقلكون طيب جربولنا بهيدي الحزورة ....

في منزل ريفي وضعت إحدى الساكنات ولتكن فيروز في الفرن المشترك 3 قطع من الحطب الذي تملكه اما الساكنة هبة فوضعت 5 قطع والساكن فادي الذي لم يكن لديه حطب طلب الاذن من الساكنتين بأن يطبخ طعامه على النار المشتركة ولتغطية التكاليف قام بدفع 8 ليرات للجارتين
كيف يجب على الساكنتين ان تتقاسما هذه الليرات الثمانية ؟


ما تفتكروها سهلة ها وبسيطة إلها طريقة خاصة بالحل.;)

Ghaithj
16-03-2008, 06:32 PM
انا فهمت السوال انه كيف يجب ان يتقاسموا المال حتى يتساووا بالدفع:rolleyes:
بسيطة . . . فيروز حصتها ليرة وحدة بس وهبة حصتها سبعة ليرات


ولما يخلصوا غدا بنطبخ ع الحطبات الباقية قهوة :) ومنشربها ع المفرق :cool:

مطر
16-03-2008, 08:40 PM
لك شو بدنا نقول يا غيث مشا لله عليك يلا صحتين على القهوة اللي رح تشربها على المفرق بس ما في حاجة للنضارات لأنو رح تكون أنت و القمر جيران .... ما ;)
طيب بس رح وضح الحل في حال فكر حدا يعترض أو يعرف كيف عرضت جوابك :
طلعت معنا كلفة اشعال الفرن كاملة وهيي طلعت 24 ليرة لأنو فادي أكيد دفع ثلث الكلفة
معناها أنو حق الحطبة الواحدة 3 ليرات
وبما أنهن استخدموا الفرن تلاتتون فلازم يطلع عالواحد 8 ليرات
و هبة حطت 5 حطبات يعني 15 ليرة
أما فيروز فحطت 3 حطبات يعني 9 ليرات
اذا فيروز بتاخود ليرة وبتكون دفعت 8 ليرات
و هبة بتاخود 7 ليرات وبتكون دافعة أيضا 8 ليرات
وهيدا الحل ببساطة

طيب هيدي الحزورة اللي رح اعرضها هلىء شفتها على موقع تاني بس كتير حزورة غريبة وحابة أعرضها وهيي:

جدي داوود قلي بسنة 1932 كان عمري بيساوي الرقمين الاخيرين من سنة ميلادي قلتلو لجدي ابراهيم (يعني جدي داوود قلو لجدو ابراهيم) عن هالشغلة الغريبة اجا قلي وانا كمان نفس الشي صاير معي
فكم كان عمر جدي داوود وجدو لجدي يعني جدي ابراهيم وقتا ؟

شو رأيك يا غيث أنت وعم تشرب القهوة على المفرق شفلنا هالحزورة وخصوصيا أنك مرح تدفع تكلفة الحطب اللي رح تسخن القهوة عليه ;).

Ghaithj
16-03-2008, 09:46 PM
في منزل ريفي وضعت إحدى الساكنات ولتكن فيروز في الفرن المشترك 3 قطع من الحطب الذي تملكه اما الساكنة هبة فوضعت 5 قطع والساكن فادي الذي لم يكن لديه حطب طلب الاذن من الساكنتين بأن يطبخ طعامه على النار المشتركة ولتغطية التكاليف قام بدفع 8 ليرات للجارتين
كيف يجب على الساكنتين ان تتقاسما هذه الليرات الثمانية ؟



بالحزورة الماضية بحبب نوه لشغلة انه دغري بيتبادر لذهنا انه 8 حطبات و8 ليرات فيبتوزع المصاري ع فيروز 3 ليرات وع هبة 5 ليرات
وهالحل بتحس اول شي انه صحيح بس :(
لانه الفرن مشترك بين الثلاث ... وحضرته السيد فادي البخيل اللي ما اشترى حطب اكيد لما دفع المصاري فهوي دفع تلت حق الفحم اللي كلف الصبيتين فيروز وهبة فمنطقيا 8*3=24 حق الفحم كله ومنه منستنتج حق كل فحمة 24/8 =3 هون 8 هيي عدد الفحمات
وبنكفي حل متل ما حضرتك حليت


و هبة حطت 5 حطبات يعني 15 ليرة
أما فيروز فحطت 3 حطبات يعني 9 ليرات
اذا فيروز بتاخود ليرة وبتكون دفعت 8 ليرات
و هبة بتاخود 7 ليرات وبتكون دافعة أيضا 8 ليرات



اما مشان الحزورة الجديدة
فانا وقاعد بقهوة المفرق (اللي بتطل ع جسر القمر )كنت لحالي و ضجران . . .
وبلشت جرب وافرض ارقام و طلع معي جواب صح:eek:
بس ما رح خبركم ياه ورح اترك المجال لغيري يحلها .. .. ..:)

رح ساعدكم بشغلة انه عمر جدك داوود كان وقتها 32/2=16
فهو مواليد 1916 وكان عمره 16 سنة بـعام 1932


يالله وين الشباب والصبايا ( هبة . ميشو . لنوش ) وين الاعضاء البقية ؟؟؟ :cool:

جدي داوود قلي بسنة 1932 كان عمري بيساوي الرقمين الاخيرين من سنة ميلادي قلتلو لجدي ابراهيم (يعني جدي داوود قلو لجدو ابراهيم) عن هالشغلة الغريبة اجا قلي وانا كمان نفس الشي صاير معي
فكم كان عمر جدي داوود وجدو لجدي يعني جدي ابراهيم وقتا ؟

Ghaithj
19-03-2008, 09:20 PM
في انتظار ان تضعي لنا الجواب الصحيح يا مطر . . . سوف اقدم لكم لغزا آخر

ملاحظة : هذا اللغز لم ينقل عن اي منتدى اخر .


لدينا سجادة مساحتها 400 متر مربع مستطيلة الشكل ابعادها 16*25
يراد تحويلها لسجادة مربعة الشكل بقص السجادة بخط واحد مع بقاء نفس المساحة
يسمح باختيار اي شكل لخط القص بشرط ان يكون وحيد


في انتظار حلكم الصحيح تمنياتنا لكم بالتوفيق . . .

مطر
20-03-2008, 08:53 PM
مرحبا .....
كرمال حل حزورتي بسيط وما بدو شي كرمال عمر جدي داوود 1916 متل ما تفضل غيث وأكيد هوي بيعرف جواب عمري ابراهيم بس عطى فرصة وما حدا عرفو أو ما حدا فاضي يعرفو وهوي 1966 بيكون عام 1932 عمرجدو لجدي 66 وهوي نفس اخر رقمين من السنة اللي خلق فيها صدفة حلوة بيناتهن......ما
أما كرمال حزورتك يا غيث ما عم اطلع بنتجة :mad: وهلكت وانا حاول حلها فكرت بطريقة أنو قسم السجادة لأمتار واوصل بخط مستقيم بين المتر التاني من العرض مع المتر السابع من الطول وقص السجادة على أساسها بس ما مشي الحال بعدين فكرت أنو قصها على شكل مدرجات كمان ما ظبطت معي بعدين فكرت قصها على شكل قوس دائرة بطريقة من الطريق واحسب كم نصف قطرها للدائرة كمان ما مشي حالها
والفكرة أنو الطول والعرض أرقام إلها جذوريعني 25 جذرها 5 و16 جذرها 4 ففكرت أنو في غاية من الموضوع
هلىء هيدي الافكار اللي أجيتني على هيدي الحزورة وحاولت أشتغل فيها بس ما طلع معي شي فناطرين يا شي حدا يحلها يا يا غيث تنزل الحل وتريحني.....:confused:
الحزورة صعبة و معقدة ومانها نغنوشة أبدا .........ما.

heba
24-03-2008, 01:53 PM
غيث يا غيث
شو منشان اني ما عرفتا ؟؟؟ :o :o
طيب ماشي
نزللي الحل ل قلك و حضر حالك ع حزورة مني :cool:
اوكي !!!!
الشعب لكم بالمرصاددددديييييي :D

Ghaithj
26-03-2008, 01:31 AM
http://www.l44l.com/up/uploads/0baae3ea5d.gif (http://www.l44l.com/up)

heba
26-03-2008, 02:37 AM
ميرسي غيث :)
والله ما سهلة ابدا ...
اوكي يلا بالنسبة ل حزورتي ؟؟؟؟؟؟؟؟
ملاحظة للمساعدة
الحل يعتمد المنطق الى جانب الرياضيات

مهندس مدني ;) صمم بناء وادرج كل المعلومات الخاصة فيه ب الحاسب الالي لديه
اراد المهندس ان يختبر الحاسب لديه فسأله السؤال التالي
ما أعمار اولادي اذا علمت :
جداء اعمارهم = 36 ................. فاجاب الحاسب : المعلومات غير كافية
طيب
مجموع اعمار اولادي يساوي الى ارتفاع نافذة الحمام.......... فأجابه ايضا المعلومات غير كافية
قام قلو
ابني الكبير اشقر ..... فأعطاه الجواب الصحيح :eek:


ما اعمار اولاد المهندس ؟؟؟ ;)

مطر
26-03-2008, 12:41 PM
مرحبا.....
وميرسي غيث على هالحل الذكي ......والصور التوضيحية..
هلىء يا هبة مبدئيا" كرمال حل حزورتك يعني لسا ما درست الحزورة كتير بس كأفكار مبدئية بظن أنو لما سأل المهندس الحاسوب كم عمر أولادي إذا عرفت أنو جداء أعمارهن 36 فكان قدام الحاسوب احتمالين يا عمر ولد من الأولاد سنة و الولدين الباقيين توم وعمرهن 6 سنين
1 *6 *6 =36
أو عمر الولد الصغير سنة وعمر الولد الوسطاني 4 سنين وعمر الولد الكبير 9 سنين
1*4*9=36
فكانت المعلومات بالنسبة للحاسوب مو كافية كرمال يحدد عمر الاولاد لانو صار قدام احتمالين
بظن الفكرة أنو لما حدد المهندس للحاسوب أنو ابنو الكبير أشقر فهيدا بيعني انو اولادو مو توم يعني ثبت الاحتمال التاني و اللي هوي أنو عمر الطفل الصغير سنة وعمر الابن الوسطاني 4 سنين وعمر الكبير 9 سنين........
هيدا الحل مبدئيا وببقا برجع راجع حساباتي في حال كان في شي فكرة غلط أو ناقصة ........
ميرسي ....

remon1
26-03-2008, 07:53 PM
بدو 105 ايام تيخلص قص اذا بلش من يوم الاثنين بالنسبة لقطعة القماش

مطر
31-03-2008, 04:39 PM
له له يا remon1 خربت الدنيا هيدا جواب غيث عن هيديك الحزورة واللي بدو فيه 7 تيام



يلزمه 7 أيام....
اليوم الأول يقص 2 امتار، يبقى لديه 14 مترا
اليوم الثاني يقص 2 امتار، يبقى لديه 12 مترا
اليوم الثالث يقص 2 امتار، يبقى لديه 10 أمتار
اليوم الرابع يقص 2 امتار، يبقى لديه 8 أمتار
اليوم الخامس يقص 2 امتار، يبقى لديه 6 أمتار
اليوم السادس يقص 2 امتار، يبقى لديه 4 أمتر
اليوم السابع يقص 4 أمتار إلى النصف....

هبة وينك :rolleyes: شو جواب الحزورة الاخير صح ولا خطأ خبرينا كرمال نمشي اللعبة ........

Ghaithj
14-04-2008, 12:27 AM
رح نحاول نحلها سوا بالمنطق
لما اعطي المهندس المدني المعلومة الاولى للكومبيوتر
جداء اعمار اولادي 36 فالاحتمالات امام الكومبيوتر هي
1.1.36
1.2.18
1.3.12
1.4.9
1.6.6
2.2.9
2.3.6
4.3.3
أما عند اعطاء المعلومة التانية عن مجموع الاعمار
فاصبح الكومبيوتر اما الخيارات التالية
1+1+36 =38
1+2+18=21
1+3+12=16
1+4+9=14
1+6+6=13
2+2+9=13
2+3+6=11
3+3+4=10
فمنطقيا الكومبيوتر يستطيع ان يحدد اعمارهم في هذه الحالة
ما عدا لو كان هناك تشابه بالمجموع
وعندما اعطي الكومبيوتر اجابة ان المعلومات غير كافية
فهذا يحصر لدينا الاحتمالات في الاحتمالين التاليين
1+6+6=13
2+2+9=13
امممممم وهذا يعني انا المهندس لديه طفل بعمر 9 وطفلين توأمين بعمر 2
أو لديه طفلين كبيرين توأمين بعمر 6 وطفل اخر صغير بعمر 1
طيب
عندما اعطي المهندس المدني المعلومة الاخير ان ابنه الكبير اشقر
فهذا يعني ان الخيارات اصبحت واضحة
وسيعطيه الكومبيوتر الحل الصحيح فورا
ان للمهندس المدني ثلاث اطفال الكبير بعمر 9 والصغيرين توأم بعمر 2

heba
14-04-2008, 01:03 AM
غيث
برافو ع ربك والله :cool:
كنت عارفة رح حدا يطلع بالحل وخاصة انت ...... مهندس مدني ولوووو ;)
مطر كمان برافو عليكي انتي لقطتي فكرة كتير مهمة بس حصرتي حالك بالاحتمالات منشان هيك ما طلعو معك
يعطيكون العافة
و يلا اذا اسا في همة خلونا نشوف كمان الغاز ....:rolleyes:

مطر
14-04-2008, 01:38 PM
ممممممم حلو حلك يا غيث وأخيرا" تدخل المهندس وحللنا المشكلة
طيب بس في نقطة صغيرة كتير كتير
أنو ممكن يكون المهندس عندو ولدين بس........ يعني
ولد بعمر ال 9 سنين وولد بعمر ال 4 سنين
رح يكون جداء أعمارهن
4*9=36
ومجموع أعمارهن
4+9=13
يعني صار عنا احتمال بالاضافة لحل غيث
6+6+1=13
9+2+2=13
9+4=13
وبهالحالة بما أنو ابنو الكبير أشقر رح يحطنا قدام احتمالين
1"- ابنو الكبير بعمر ال 9 سنين والابنين الصغار توم بعمر ال 2 سنين يعني متل ما تفضل غيث
2"- ابنو الكبير بعمر ال 9 وابن صغير بعمر ال 4 سنين
فبهالنقطة يا هبة يمكن ناقص بالنص تحديد عدد ولاد المهندس اذا ولدين او تلاتة لانو بالنسبة لنص اللغز بيكون قدامنا احتمالين صحيحين
فشو رأيكون.......:confused:

heba
15-04-2008, 01:38 AM
مطر معك حق :o.... كان لازم تنبهوني :p...
يلا هي معناها برافو اكتر لانو انحلت من دون ما تكونو عارفين كم ولد عندو ;)
حلك صح بس اذا متل ما كان لازم اذكر ( انو عندو 3 اولاد ) بيطلع انو حل غيث هوي الصح
بكل الأحوال برافو اللغز مو سهل ابدا .. طلعلي روحي قبلكم ت عرفتو :o

farah 4 Jesus
25-05-2008, 12:38 AM
هناك ٥ أشخاص يعيشون في ٥ بيوت. كل بيت له لون يختلف عن غيره. كل شخص منهم لديه جنسيه مختلفة.. الخمسه يشربون ٥ أنواع شراب، يدخنون خمسة أنواع تبغ، يربون ٥ أنواع حيوانات... لا أحد منهم يدخن نفس نوع التبغ أو يشرب نفس نوع الشراب أو لديه نفس نوع الحيوانات الذي لدى الآخر.
و المطلوب: من منهم لديه السمكة علما أن
1 البريطاني يعيش في البيت الأحمر
٢ السويدي يربي كلب
٣ الدنمركي يشرب الشاي
٤ البيت الأخضر بجانب و على يسار البيت الأبيض
٥ مالك البيت الأخضر يشرب القهوة
٦ الرجل الذي يدخن "بال مال" يربي عصفور
٧ مالك البيت الأصفر يدخن "دنهل"
٨ الرجل الذي يعيش في النصف يشرب الحليب
٩ ألنورويجي يعيش في البيت الأول
١٠ الرجل الذي يدخن "بلندس" يعيش بجانب الرجل الذي يربي قطة
١١ الرجل الذي يربي الحصان يعيش بجانب الرجل الذي يدخن "دنهل"
١٢ الرجل الذي يدخن "بلو ماستر" يشرب البيرة
١٣ الألماني يدخن "برنس"
١٤ النرويجي يعيش بجانب البيت الأزرق
١٥ الرجل الذي يدخن "بلندس" يعيش بجانب الرجل الذي يشرب الماء





......P.S. it is very easy if you write out everything neatly

GOOZZZZZ luck :D

goo
25-05-2008, 11:06 PM
البيت الأول:لونه أصفر و به نرويجي يشرب الماء و لديه قطة و سجائر دان هيل

البيت الثاني : لونه أزرق فيه دنماركي بيحب الشاي و عنده حصان و بيشرب مارلبورو
البيت التالت :لونه أحمر و به بريطاني يشرب الحليب و لديه طائر و يشرب بال مال
البيت الرابع : لونه أبيض و به السويدي بيشرب الجعة و لديه كلب و بيشرب منفيلد
البيت الخامس لونه أخضر و به ألماني بيشرب القهوة و سجائر روثمان لكن?? لم يذكر نوع الحيوان الموجود معه و بالطبع هو السمكة :):):):):rolleyes:

farah 4 Jesus
26-05-2008, 01:12 AM
برافو جو .. بس إنت غلطت نفس غلطتي .. البيت الأخضر بجانب و على يسار البيت الأبيض مو على يسارك إنت

يعني البيت الخامس هو الأبيض مو الأخضر.. بس برافو حلك صحيح .. بس ليش غيرت أسماء الدخان.. ههههه :d

عفكرة هيدي الحزورة اسمها "حزورة انشتاين" و عمو انشتاين توقع إنو ٩٨ ٪ من الناس ما راح يعرفوا يحلوها .. بس بعتقد إنو هل نسبة بدا تظبيط
ألفها في أوائل القرن ١٩

14356

مطر
26-05-2008, 12:21 PM
gao مشالله عليك حليتها أنا بظن أني من ال 98 بالمية من البشر اللي ما بيحلوها
farah 4 Jesus كتر خيرك رجعتي انعشتي الموضوع ميرسي إلك
طيب أنا عندي حزورة مو ضروري تكون من ال 2 بالمية تتحلها جربولنا فيها ..........
ثلاث أكوام من التفاح غير متساوية ..مجموع التفاح فيه جميعاً 58 تفاحة . إذا وضعنا من الكومة الأولى في الكومة الثانية عدداً من التفاح مساوياً لما هو موجود في هذه الكومة الثانية ، ثم أخذنا من الثانية ووضعنا في الثالثة عدداً من التفاح مساوياً لما هو موجود في هذه الكومة الثالثة ، وأخيراً أخذنا من الكومة الثالثة ووضعنا في الكومة الأولى عدداً من التفاح يساوي العدد الموجود فيها
إذا فعلنا هذا كله فإن عدد التفاح في كل الأكوام الثلاث سيكون متساوياً ، فكم تفاحة كانت في كل من الأكوام الثلاث في البداية ؟

bassam haddad
26-05-2008, 09:39 PM
أعتقد أن في المسألة خطأ ما لسبب
تقول في النتيجة أن عدد التفاح في الأكوام الثلاثة سيكون متساويا أي 58 تفاحة
وبما أن العدد 58 لا يقبل القسمة الصحيحة على العدد 3 لذلك أعتقد أنها خطأ
هل هذا صحيح ؟

farah 4 Jesus
26-05-2008, 09:46 PM
مطر.. شو هل حزورة هي..:confused::D ما بعرف بس بعتقد إنو مجموع التفاحات لزم يكون غير ٥٨ لأن عدد مجموعات التفاحات الغير متساوية أول شي ما بيطلع كامل.. و إذا بالأخير لزم يكون نفس العدد كمان بيكون كل مجموعة فيها ١٩٫٣٣٣٣ تفاحة... إلا إذا منشيل عدد معين و منحل المسألة بعدين منقسم هلعدد عل مجموعات.. أو إذا في لعب بالحكي بنص الحزورة .. المهم إذا ما في لعب بالحكي و إذا مو لازم نشيل عدد معين أول شي لازم يكون العدد شي متل هيك : 26.6 & 17 & 14.4

أنا جبرت الأرقام .. بعرف إنو ما بيكونوا ٥٨ exactly.. بس قريب.. صراحةً لأن ما كان إلي مروه جرب.. حتى يطلعوا ٥٨ exactly.. و لأن متل ما قلتلك ماني اكيده إنو المجموع ٥٨ صحيح و لأن بفضل حلن بإستخدام معادلات مو بالتجريب

I used this equation

2x-2y = 2z-x+y = 2y-z

& each part is equivalent to 19.333
so using substitution we should get approximately the numbers I got
x is the first group of apples 26.6
y is the second 17
& z is the third.. 14.4



I will post a very very hard one after my exams are over this week... I found it on a website for basically geeks.. & it did not have a solution :eek:...I will try to work on it after the exams are over :S & will post it here..
so get ready :) ;)

R.Nader
17-02-2009, 10:28 PM
dيرحم امواتك ساعدني انا جنيت سرحت بالشوارع ما عرفت حل اللغز