التعصب ؟؟؟؟؟.

[نخلة التنين]

اول شي انا بحب الموسيقى وكنت من اكثر الناس اللي بيشجعو وبيعشقو الفنان جورج وسوف الشهير ب ابو وديع .
بس عندي انا زمن الاول تحول متل ما بيقولوا لانو اي ابو وديع لم يحافظ على تاريخه الفني ابدا فاصدر عدد من الالبومات في الفترة الاخيرا وكانت غير جديرة وخصوصا من ناحية الصوت اما بالنسبة للكلمة واللحن فلا يوجد اثنان من متذوقي الموسيقى الا ويحترموا اختياره لكلماته والحانه وقد استحق بالفعل لقب سلطان الطرب
بس اذا اخذ براي اللذي اطلق عليه اسم سلطان الطرب " جورج ابراهيم الخوري " لكان غير رايه واطلق عليه لقب تاني
في اشخاص كتير رح يزعلو مني لهيك حكي بس صدقوني انا ما بكره ابو وديع بشكل شخصي انا زعلت كتير لانو هو الي متعودين عليه بالصوت الرنان يكون صوتوا يعني موش ولا بد بقولة اخواننا المصريين
واذا كنتو انتم مشجعي الوسوف مجردين لكان لكم نفس الراي .
مرة تانية انا بعتذر منكم وتقبلوا رايي بفائق الحترام

ملاحظة : ما افسد الاختلاف للود قضية اخي ابو الميش

[safita-one]

اول شي شكر للاخ نخلة التنين عالموضوع وطرحو الفكرة
من ناحية صوت السلطان انا معك بالموضوع انو تعب صوتو بس كمان ما فينا نقول مابنحبو او خفت المحبة
لانو انت لما تحب انسان لعدة اسباب ما فيك هيك لاي شي تغير او تقلل محبتك وخاصة اذا كانت المحبة كبرت معك و في شغلة تانية انت قلت انو اصدر عدة البومات كانت غير جديرة وقلت انو الصوت احدا اسبابا بس فيك تقلي شو غيرالصوت

واذا حابب يتغير لقبو شو رايك تتكرم علينا وتعطينا شي احتمالات

[القرن الستين]

اخي safita-one... الاخ نخلة التنين طرح هالموضوع لحتى يعطي فكرة انو في تعصب كتير كبير

للفنانين ... و منهن جورج وسوف ... يعني ما حدا بينهان عليه انو يحكي كلمة وحدة عليه ... انت بكل بساطة

فيك تقول جملة وحدة بس (انو هاد رايك يا اخي ... بس انا رايي كذا ) ... من دون ما تعمل اي خلاف شخصي

بهالموضوع هاد ... (طبعا بقصد بخلاف شخصي ضمن الموضوع فقط ) ...

يعني لما تقول انو (يا ريت لو تتكرم علينا و تعطينا شي احتمالات ) ... ف انت عم تاثبت انو في تعصب

و عم تاكد ع فكرة نخلة التنين ...

يا اخي طالما انو بدو يصير مشاكل اذا انا بعطي رايي باي فنان ... ف انا مضطر اني اتحفظ برايي و خليه جواتي

تحاشيا للمشاكل ... بس هالشي يا ترى بيرضيك ؟؟؟ بيرضيك اني انا فوت عالمنتدى و ما اقدر اكتب فيه بكل حرية ؟؟؟

ع كل حال ... اذا اي انسان بدو يزعل مني بدو يكرهني لاني ما بحب ابو وديع ... ف انا رح كون مضطر اني

حبو ... مشان ما اخسر محبتكن ... لانو بالنهاية الكل بهالمنتدى اخواتي ... و كلمة اخ اهم بكتير من تشجيع اي

فنان عم يغني و يعمل البومات و يكسب شهرة و مصاري ... و نحنا نازلين ببعضنا ...

شكرا الك اخي نخلة ع هالموضوع ...

و شكرا الك اخي safita-one لانك تفهمت رايي ... و سدقني انا مستعد اعملو تمثال شمع ل ابو وديع

بس اني ما اخسر محبتك او محبة غيرك ... و شكرا ...

[safita-one]

اول شي بحب قول للاخ القرن الستين هيدا رايك وانا مو بس بحترمو بس محترمك انت كلك ع بعضك

وعفكرة انا من جهتي وخاصة مع الاخ نخلة ما رح يصير اي خلاف لا شخصي ولا غير بعونه تعالى وانشاء مابيصير مع حدا غيرو الا في الضرورة القصوة
واكيد في تعصب ( محدود) وخاصة من جهتي انا
وبقلك كلمة اذا انت بدك تحب الوسوف منشان ما ازعل معك هيك بدي صير ازعل منك لانو بحب كلشي بيحب الوسوف يحبوا عن قناعة
وعسيرة التمثال اذافيك تعمل واحد وتعطيني ياه ماعندي اي مشكلة بالعكس بيكون احلى هدية بيتجيني طول حياتي حتى لو ماحبيت ابو وديع وبدك ضل اكتر من خي
سلام

[القرن الستين]

تكرم عيونك حبيبي ابو الميش ... بس خلص من هالتمثال ... بتلاقيه ملفوف بشريطة حمرة قدام باب بيتك

ولو يا صاحبي ... من في الي اغلى منك اهديه هيك هدية ...

و بالنسبة الك و ل نخلة التنين ... انا لما قلت خلاف شخصي ... قلت خلاف شخصي بهالموضوع هاد بس

مو بشكل عام ...

ع فكرة ... برجع بقلك ياها مرة تانية ... انا مستعد حب الوسوف عن قناعة ... بس كرمال ما اخسر اصحابي

و شكرا الك ابو الميش ... حبيب قلبي ...

[shadi_n2]

يا ابو الميش مو بس انت بتحب الوسوف
نحنا رح نضل نسمع ابو وديع شو ما غنى وبالعكس صوتو هلق كتير حلو وكتير الناس بتحبو
واذا في واحد ما بيحب صوت ابو وديع في عشرة غيروا بيحبوه
واما بالنسبة للخلافات الشخصية فبتوقع انو مارح يصير اي خلافات
فالي ما بيحب صوت ابو وديع ببساطة ما يسمعو ويترك حرية الاختيار للغير بسماع هالصوت
انا نتيجة خبرتي بلاحظ انو اكثر العالم بيحبو صوت جورج وسوف

[نخلة التنين]

شكرا للشباب اللي عطوني شوي من وقتون ومرو على هيدا الموضوع واكيد الموضوع بعيد كل البعد عن الخلاف .
الفكرة كانت انو كل واحد بيتعصب للمطرب اللي بيحبو وما لازم يصير زعل بين الاصدقاء من شان هيدا التعصب والاختلاف بالراي .
شكرا مرة تانية

[sandy_bel]

اكيد الواحد مننا لما بيحب شي بيتعصب عليه
بس انا وبما اني بموت بجورج وسوف وبحبو كتير بس انا ما رح اتعصب وانا معك بها الحكيات
وكل الئديمين بيئولو جورج وسوف ابل غير هلاء كان اله عز وخلص وئتوا
وحسب ما كلنا منعرف الوسوف حاليا كرمال الجمهور يلي بيحبوه وهوي عارف حالو انه ما بئاه متل ابل

بيضل اللحن والكلمة الحلوة ما فينا نحكي عليها بس مزبوط لازم يرتاح الوسوف بها الايام
ورح يضل لئب السلطان اله وحده لحتى يجي سلطان تاني بعده(اكيد ابنه):d :d :d



بس كاني لاحظة انو الموضوع اسمه التعصب والشباب الطيبة هون اثبتت انه عن جد في تعصب؟؟؟؟؟

[cute]

هلق معليش لما واحد بدو ينزل هيك موضوع بدو يحسب ويجهز حالو لكل رد بدو يجيه .........؟
منشان هيك رح بلش
*1*المنتدى مو لكل شغلة بنحس فيها وخاصة اذا هالشغلة بتجرح غيرنا وتانيا الموضوع مانو مطروح حتى كل واحد يعبر عن رأيو لما بدو يعبر عن رأيو بموضوع خاص وبعرف انو عم يفتح عحالو حرب وبيقول تفهموني وكونو حضاريين انا ما بحب الوسوف بس انتو بتحبوه شو فينا نقلو عراسي ولو لا تواخذنا او بطلنا نحبو ..
ما هو بيعرف رأيينا وخصوصي انو الوسوف محبوب بطريقة غريبة عجيبة يعني بالدم وما حدا بيعرف ليش بيحبو ....بنحبو وبس وين الغلط .ليش الزعل والاستغراب المحبة من الله مو احسن ما ننجبر نحب حدا .....اجباري ..

ليش مقهورين من محبتنا لالو يعني صحي نحنا ما مستفادين شي بس ما عم نضر ولا ننضر
شيلو ابو وديع عن ضهركن الله يخليكن هو مو صاير عليه شي بس انتو حملكن تقيل ................
لا تواخزوني بالحب ما في حضارة ....................واللي طلب منا تقبل رأيو يتقبل رأي.....