المساعد الشخصي الرقمي

مشاهدة النسخة كاملة : سوبرستار4:لا مشاركة لسوريا


Som@r
12-12-2006, 02:06 PM
استفزني هذا الخبر كثيراً
فقناة الشيخ سعد الحريري لم تعرف أنها الخاسر الأكبر لأهم الأصوات!

استبعدت إدرارة تلفزيون المستقبل اللبنانية سوريا من خارطة السفر التحضيري لبرنامج سوبر ستار4 الفني الذي تنتجه ...

و ذلك بعد أن كانت سوريا محطة رئيسية من محطاته وجاء هذا الإستبعاد على لسان المسؤول الإعلامي لمحطة المستقبل بلال اللبان بحجة ضيق الوقت !!
أي أنه لن يكون هنال منافسين من سوريا لهذا الموسم الجديد من برنامج سوبر ستار ومن الجدير بالذكر أن السوريين الذين شاركوا سابقاً في هذا البرنامج تصدروا المراكز المتقدمه وأثبتوا قدرات مهمه جدا ( رويدا عطيه ,, شهد برمدا ,, شادي وهادي أسود) سيبدأ البرنامج أولى حلقاته اعتباراً من العاشر من ديسمبرالحالي
ARAM
12-12-2006, 02:15 PM
عنجد خسارة........
وهي كتيير طريقة بشعة متحارب فيا المستقبل الأصوات السورية الرائعة اللي تميزت بالأجزاء التلاتة الماضية وكانت في عدة مرات قاب قوسين أو أدنى من تحقيق اللقب...
عكل حال رح ينعكس هل التصرف سلبا.عالمحطة اللبنانية .......اللي رح تخسر عدد كبير من متابعينا؟...
coconet
12-12-2006, 02:53 PM
عكل حال رح ينعكس هل التصرف سلبا.عالمحطة اللبنانية .......اللي رح تخسر عدد كبير من متابعينا؟...
بالناقص منون و من محطتون................يعني ما بعرف إذا لسا عنا بسورية حدى بيحضر هيك محطة.
ع كل حال الحق ع التلفزيون السوري اللي ما بياخود دوره وبيحتضن المواهب السورية بدل ما نعرضون لهالتصرفات الصبيانية من محطة سعد ومحطة جعجع
Lina-Kh
12-12-2006, 09:20 PM
يا شباب طولوا بالكون الموضوع يمكن ما يكون هيك

لأنو من فترة شي شهر تم استضافة الدكتورة هيفاء بيطار (وهي دكتورة عيون وكاتبة سورية) ببرنامج زافين وكلنا منعرف انو هالبرنامج بينعرض على محطة المستقبل

يعني لو كان الموضوع متل ما مفكرين ما كانوا استضافوها

عالعموم يا ريت يا سومر لو كنت كاتبلنا المصدر يلي جبت منو هالمعلومة لأنو كمان ذكر المصدر بيخلينا نتأكد من مصداقية الخبر

وشكرا ألك على هالخبرية
al-ayham
13-12-2006, 12:02 PM
خسارة بس شو بدنا نعمل
هني الخسروا وهيك اوفر للشعب السوري احسن ما يصوت وما ينجحوا
OLIVER
13-12-2006, 12:48 PM
بكلمتين : يا خسارة
طريقة دونية لمحاربة الأصوات السورية بس هني مو عارفين انو سورية هيي بلد الفن و الجمال و المواهب الي مانها بحاجة هيك محطات لأنو متل هالمحطة أصلاً انمحت من ذاكرتنا و من تلفزيوناتنا من زمان ...... و سبقوهم على فكرة السنة الماضية ببرنامج ستار أكادمي ......
على كل حال هنة رح يكونوا الخاسرين
Amara
13-12-2006, 01:18 PM
أصلن بيكون عيب ع كل سوري بيشارك بعد كلشي عملوه فينا...............................
Som@r
13-12-2006, 02:09 PM
عالعموم يا ريت يا سومر لو كنت كاتبلنا المصدر يلي جبت منو هالمعلومة لأنو كمان ذكر المصدر بيخلينا نتأكد من مصداقية الخبر
وشكرا ألك على هالخبرية

الخبر انذكر بأكثر من موقع وهي بعض الروابط

موقع Star Syria السوري
http://www.starsyria.com/index.php?option=com_content&task=view&id=96&Itemid=7
Angel eyes
13-12-2006, 08:52 PM
يلا هني اللي رح يخسروا
أحلى الأصوات وأحلى حضور
............................................
Wind Of Change
13-12-2006, 09:35 PM
يلا بالناقص منن ومن هالمحطة .............

بس يعني الواحد بينزعج وبيتنكرز وقت بيسمع هالخبر .............
Fadi-Kh
14-12-2006, 12:22 AM
فعلا خسارة كبيرة
بس بدي قول للنوش أنو استضافة الكاتبة هيفاء بيطار ع تلفزيون المستقبل كانت قبل الأحداث الأخيرة (اغتيال بيير الجميل) فبعتقد أنو خبرية سومر صحيحة ( أكيد سومر متابع المواضيع الفنية بشكل دقيق)
Lina-Kh
14-12-2006, 12:37 AM
فعلا خسارة كبيرة
بس بدي قول للنوش أنو استضافة الكاتبة هيفاء بيطار ع تلفزيون المستقبل كانت قبل الأحداث الأخيرة (اغتيال بيير الجميل) فبعتقد أنو خبرية سومر صحيحة ( أكيد سومر متابع المواضيع الفنية بشكل دقيق)


اذا هيك معك حق مع انو كراهية جماعة سعد الحريري لسوريا ما كانت على اثر الاحداث الاخيرة بس

وعلى فكرة انا ما عم شكك بمواضيع سومر الفنية بالعكس انا بشكرو كتير على هالاخبار الفنية الحلوة
M_Schumacher
14-12-2006, 01:09 AM
ع كل حال الحق ع التلفزيون السوري اللي ما بياخود دوره وبيحتضن المواهب السورية بدل ما نعرضون لهالتصرفات الصبيانية من محطة سعد ومحطة جعجع

هيدا الحكي المظبوط و بافعل بالناقص
جمانة
14-12-2006, 02:51 AM
انا بعتقد انو مو رح يعملوها وما يحطو حدا سوري لانو هيك محطة بتعرف مصلحتا نمام ومو معقول تجيب الخسارة لحالا يعني اكيد رح يحسبوها بكرا بلاقو شي حجة .
وعلى كلن ازا ما حطو بالناقص الله لايحوجنا لا الن ولا لمحطاتن ..........................
شامي مرّ
14-12-2006, 04:28 AM
و اللله لازم يغيروهو اسمو بدل سوبر ستار سوبر 14 آذارو لا شو رأيكون؟
Som@r
14-12-2006, 02:45 PM
و اللله لازم يغيروهو اسمو بدل سوبر ستار سوبر 14 آذارو لا شو رأيكون؟

هودي 14 شيطان مو 14 آذار!!!!!!!!!!!!!!!!!!!!!!!!!!!!!!!!!! :D
ZAK
14-12-2006, 05:37 PM
يلا ... خلينا نشوف شو رح يطلع معون ....

على كل .... الفن ما رح يوقف على برنامج سوبر ستار ....

بس الموضوعية و التجرد ... مهمين ... يعني المناوشات السياسية الحامية هاليومين ... ما لازم يكون إلها علاقة بـ هالنوع من البرامج ... بس للأسف ... و نحنا رح نضل أحسن من كتير عالم ...
lord of dragons
15-12-2006, 12:36 PM
اي والله و نحنا رح نضل أحسن ومن كتير عالم ... ........ متل مقال zak .........
Syrian Eagle
15-12-2006, 02:24 PM
ع كل حال الحق ع التلفزيون السوري اللي ما بياخود دوره وبيحتضن المواهب السورية بدل ما نعرضون لهالتصرفات الصبيانية من محطة سعد ومحطة جعجع

لازم الدولة تدير بالا عالفنانين الناشئين أكتر من هيك بكتييييير لانو في أصوات بسوريا ما في مثيلا بكل الدول العربية وانشالله الدكتور بشار الأسد يكون حاطط هالفكرة عأرض الواقع ضمن خطة التطوير والتحسين وتطبّق قريباً
شكراً
Fares.N
16-12-2006, 09:20 PM
بالناقص منن ومن برامجن مو قاتلناإلا سوبو ستلر هه

عيش يا كديش تينبت الحشيش
قال عملوكتير مفكرين حرمونا من السوبر ستار تبعن
Fares.N
16-12-2006, 09:25 PM
والله خترعوا الذرة يعمي شوهادحرمونامن السوبر ستار أي بالناقص
fadi_ha
16-12-2006, 10:39 PM
بالناقص منون و من محطتون يعني الاصوات السورية ما بدا محطة مثل محطة المستقبل ليعرضوا اصواتون و الاصوات السورية معروفة بجمالها و هيي قبل اللي زينت برنامج سوبر ستار و حلوة منك يا شامي مر (سوبر 14 اذار)
ninawah
16-12-2006, 11:34 PM
قال :
"هناك فلقوا البعرة، وهنا فلقنا الذرة"!
Dr. IT
16-12-2006, 11:43 PM
عسيرت الـ 14 آذار.... زورو هالموقع

http://www.14hmar.tk
emerald
20-12-2006, 03:05 PM
بالناقص من هل المحطة كلها
بعتقد رح يخلو سعد الحريري يغني الأغنية الخاصة فيه نحنا مع التفرقة والأحتكار
يا عيني آه
27-12-2006, 05:05 PM
ولك بالناقص منهم ومن تلفزيونهم
أصلاً ما بيشرف السوريين يطلعوا بهيك محطة مأجورة
mari
04-02-2007, 09:56 AM
اصلا عيب على كل سوري بشارك فيه ومعك حق ياشامي مر ومشكور ياسومر