زياد الرحباني....هل هذه نهاية ملك الساحة اللبنانية؟

[شاتو خريصن]

هل يستطيع احد بعد ان سمع ( رشيد ) في فيلم اميركي طويل
.ان يسمع (كان غير شكل الصابون)؟؟؟؟
هل يستطيع احد ان يسمع بعد ان سمع ( زكريا الكلكل شوهي..كللي؟؟) في نزل السرور
.ان يسمع ( داق خلقي ياصبي)؟؟؟؟
هل يقدر احدنا ممن اطرب اذناه بفن الزياد منذ عقود في (كبسة ونص وانا مش كافر وابوالزلف...وماكلكم اخوي
يا اخوات (....) وابو الجواهر.....وبيبحش ....وبيفرد ...وشو عدا مابدا....وابنك حمار يا ثريا
هل يستطيع ان يتحمل لطيفة في هذه المسخرة الجديدة التي تضاف الي مساخر زياد الحديثة منذ سبع سنوات؟؟
وقبلها هذا الالبوم الهزلي الضعيف مع سلمى مصفي؟
حتى مسرحياته الاخيرة ( بخصوص الكرامة ولولا فسحة الامل ) لم يكونو بمستوى روائعه
شوبو زياد؟؟؟؟؟؟
واقولها من حرقة قلبي
فانا من قدامى رابطة مشجعي زياد...منذ اواسط الثمانينيات
منذ صغرنا كنا نتفاخر اننا من جماعة الرحباني...كنا مجموعة...وكنا نرد بالانتقادات التي توجه الينا وكثيرا ما
نسمعها بان زياد ..( مجنون...هيبي....متذاكي) الى اخره
كنا نرد عليه وكنا محقين...بعبارة ذهبية
( ان داخل فن زياد واغانيه....انما جمهورية من الطلاسم والعبارات المخفية والساحرة)
ولا احد يستطيع ان يفك هذه الشيفرات سوى مشجعيه باعتباره انشان فوق مستوى الطبيعة
ووصل معنا الحال باننا قلنا انه ...من خارج كوكب الارض......خلال مسرحيته فيلم اميركي طويل
( اشارات من تحت الارض)
لكن للاسف كبرنا....ولم تكبر معنا هذه النظرية
بقيت مرافقة لمراهقتنا ورفضت ان تاتي معنا ...الى حيث كبرنا
لم نعد نرى لزياد سوى حقبة قديمة
لم نعد نشاهد سوى ان زياد قد حطم فيروز من خلال اغاني هابطة
ياتي من يقول ان اغاني زياد بدها ناس ذو زوق معين وفهم معين للموسيقى
اقول نعم كلامك صحيح ...لكن قديما وليس الان
لا تستطيع اذني ان تصدق
ان اغنية....لاتفل عام 1983
واغنية ...مش كاين هيك تكون ..هي لنفس المؤلف
او رائعته ( كيفك انت ) هي نفسها اغنية نسيت اولها وتقول
لو عم تدخن لايت؟؟؟؟؟؟
انتهى زياد...
على الاقل عند شلتنا القديمة فقط ولم نعد نسمع له سوى
المستر نور
رشيد ملك الساحة اللبنانية
الاوتيل اللي بيبرم...ومافي مواد اولية.....كل مايقول مافي مواد اولية بيطلع فيني
اكبر راس قديش ...مكسيموم يعني...انا بكسرو
او بمعنى اصح اقول
هل انتهى عند الجيل القديم وبدا يرى محبيه عند الجيل الجديد
.........................................
وخلصت القصة بي اول شتى

[العقل زينة]

شاتو خريصن دخلت الى هذا الموضوع مرارا و تكرارا .....

كنت مقرر أنو ما علق أو ما ادخل بموضوع يناقش هكذا موضوع لا سباب أنت تعرفها جيدا

و لكن باعتبار أنو هالموضوع كتبته أنت (أولا ).....و يطرح فكرة يتكلم بها الكللي(ثانيا )

قررت أن أناقش هذا الموضوع ......


صديقي العزيز ..:

عند عرض نزل السرور و بالنسبة لبكرا شو و فيلم أميركي طويل ....


ماذا تتوقع كانت ردود الافعال حينها أي بفترة من 75 الى 80 .....

أنا سأقول لك : عن لسان معاصرين .......

جوزيف صقر : كانت تجربة هذه المسرحيات الثلاث مجازفة كبرى أجل مجازفة كبرى جدا و الذي احبطنا هو ردوود فعل الناس لأنها لم تتقبل ما قال أبو عاصي (قصده على زياد)...و تفاجئنا أن ب 85 و 86 أخذت هذه المسرحيات ضجة لعلاقتها بالحرب الدائرة وقتها ...انا لم أكن أتوقع هذا الشيء و لكنه كان متوقع هذا الشيء و لم يخبرني (قصده على زياد).......

1989 لاذاعة صوت الشعب ...........

..........................

مروان محفوض :زياد راهن و بصيت و الديه عندما قدم ثلاثيته (فيلم أميركي طويل و بالنسبة لبكرا شو و نزل السروور)....أنا صراحة كنت أنصحه دوما بالتزام المسرحيات الغنائية الخفيفة مثل سهرية ....ظننت أني على حق مدة خمس سنوات الى بداية 85 عندما صدمت أنها اقتحمت الشارع من بابه العريض و أصبحت حديث الناس أينما وجدوا و هم الذين نفسهم نقضوها و رفضوها بأواخر السبعينات ...............و الى الآن لم أدرك السبب

في مقابلة تلفيزيونية مع ال lbc بال 93 ........

.....................................

الفكرة المقصودة هي أنه ربما نستطيع أن نحكم بسرعة و لا نفقه ما يقصد زياد .....

و يمكننا أن نتمعن قليلا باللحن و الكلمات ...هذا اللحن الغير معتاد عربيا و جديد تماما على الساحة(ايلي العليا).................

أنا رأيي مخالف لرأيك شاتو خريصن و لك حق اعتقادك.............

أنا سأنتظر منك بعد فترة من الزمن لتقول لي هنا كان يقصد كذا و هناك كان يقصد ذاك ....

(دكتور بليز لشو التركيز خلينا نضل طبيعيين )..دكتور هنا ماذا يفرق عن حكيم الثمانينات ؟؟؟

(ما كل ما حط هالدقة و نط بفتكرو قايم يضربني )..ماذا يفرق عن ادوار الخائف؟؟؟


على كل حال لن أتعمق أكثر كما قلت كنت أنوي أللا أدخل هذا النقاش و لكن لم أستطع المقاومة ....


تحياتي لكم

[Som@r]

أما أنا فأمثل جيل الـــ آخر سبع سنوات!!!

أمثل "مش كاين هيك تكون" و"ضاق خلقي" و"ولا كيف" و"عندي ثقة فيك"..

أمثل "أمنلي بيت" و "معلومات أكيدة" و"دورت أيام الشتي" و"نفد عبكرة" و"بنص الجو"..

ولكن هذا لا يمنع أن أعود إلى زياد قبل الـــ سبع سنوات!

وأن أعود لأعماله الماضية..

إلى "فيلم اميركي طويل".. "نزل السرور".. "العقل زينة"... "شي فاشل"!

لأتعلم... لأدرك... ولأطور فهمي أكثر لزياد!

وكذلك الأمر بالنسبة لك..

فما المانع أن تسمع أعمال زياد الجديدة من جديد.. لتعيد النظر بها..

ستجد عندها أن ما يقدمه زياد ليس سوى مسيرة واحدة متواصلة...

وأعماله الجديدة ليست إلا متابعة لــ"شو عدا ما بدا"، "عالنظام"، "فكري هنيك"... وغيرها

........ويبقى باب الحوار مفتوحاً بين جيلي زياد!!

[القرن الستين]

(دكتور بليز لشو التركيز خلينا نضل طبيعيين )..دكتور هنا ماذا يفرق عن حكيم الثمانينات ؟؟؟

(ما كل ما حط هالدقة و نط بفتكرو قايم يضربني )..ماذا يفرق عن ادوار الخائف؟؟؟





اخ عقل زينة ... متل ما بتعرف عني اني انا من اشد العالم المعجبين بزياد الرحباني ...


و بما اني كتير معجب بهالانسان و باعمالو القديمة الخالدة ... ف انا كتير رح يحز بنفسي

و يحرقلي قلبي لما بشوف انو هيك دماغ عم يعطي مستوى هابط جدا ... اي اخ عقل زينة

هابط جدا و بكل معنى الكلمة ...

انت عملت كم تفسير ل اغنية بيطفي الضو ... انا رح قلك كيف طلعو معك هالتفاسير ...

زياد الرحباني من كل عمرو معود الناس ع الغموض و الكلام الملغوم ... و بما انو نحنا محبينو

صار عنا ايمان ب الالغاز تبع زياد الرحباني ... صرنا نفسر كل كلمة بيقولها ... حتى لو ما كان

قصدو منها شي ... يعني لا تواخزني بهالكلمة ... لو فات عال wc رح نعمل منها تفسير

انا هلق فيني اخدلك غنية بوس الواوا ل هيفا وهبة ... بيطلع معي الغاز اكتر من اغنية بيطفي الضو ...

ع كل حال انا مع راي شاتو خريصن بهالموضوع ... لانو فعلا في اختلاف واضح بالمستوى

[شامي مرّ]

أنا حبيت رد عليك يا شاتو لأنو كتير دخلت نقاشات مع أشخاص حول هذا الموضوع:
عزيزي شاتو :
أنا أرى أنو كلما قدم زياد عمل جديد لح يواجه النقد من بعض الأشخاص مستعملين جملة:
((شو هل مستوى اللي وصلتلو يا زياد ))
بدي اسألك سؤال : أنت بتحب أغنية البوسطة للعظيمة فيروز؟
بظن أنو ما في حدا ما بيحبها....بتعرف أنّو هل غنية اللي صارت في ما بعد من أكثر الأغنيات التي يحب الأشخاص سماعها لفيروز .. واجهت نفس النقد : أنو معقولة السيدة فيروز تستعمل كلمات تافهة متل خس, تين , طالعين و مش دافعين....بس معليش بعدين هؤلاء الذين انتقدوا عرفوا أن فيروز بواسطة زياد تحاكي الشعب بلغته , و عم تنقل صورة المجتمع اللي هي فيه ...
و نفس الشي بيطبق عل مش كاين هيك تكون : لو عم تدخن لايت؟؟؟؟؟؟ وكان غير شكل الصابون و كان أشرح هل بلكون ... فبينما كان بالأولى يصف حياة أهالي الضيع بكلمات متل تنورين و تين خس... فبالأغنية الثانية يحاكي أولاد المدينة بالدخان اللايت و يذكرهم باختلاف كل شيء و تقارب الأبنية من بعضها ((كان أشرح هل بلكون...))
و من ثم تتكلم عن المسرحيات القديمة .... إنها رائعة لا بل أكثر من ذلك ... و لكن مما تشكي (( نص الألف خمسمية )) إنها تحاكي الوقع السياسي و الإجتماعي بكل وضوح و أكيد كل من يسمع لزياد سيشعر بروح زياد فيها, و أنها لا تقل عن أخواتها من المسرحيات ....
بنص الجو : عم تقولو أنو بتتفسر أكتر من تفسير ... أما أنا أقول لا تنسوا في شي فاشل عندما يسب على الشاويش((***** ما أسالك))و بأبو الزلف((ما كلكون أخوة يا أخوات *******)) أنا بلاقي أنو هادا هو زياد و ما تغير لكن تتطور كما يجب على كل انسان و على كل شيء أن يتطور..فكلمات بنص الجو ألا تعبر عن الخلاعة الحاصلة في لبنان(إنه يحاكي المجتمع)فلو لم تطور زياد لكان أصبح من ذكريات الماضي ((شخص كان يكتب أشياء ملمحة و معبرة عن الوضع الإجتماعي و السياسي )) لا أكثر ...وكنا قلنا((آه كم كانت جميلة كتابات زياد..)).. فتطوره نتيجة لتطور المجتمع,فهو بتطوره يفرض وجوده ملك الساحة اللبنانية
وأحب أن أقول جملة أخيرة::
لو لم يتطور زياد ....فالموت أشرف له....

[Som@r]

ما اضطرني للرد مرة ثانية هو ما تفضل به الأخ القرن الستين:

انا هلق فيني اخدلك غنية بوس الواوا ل هيفا وهبة ... بيطلع معي الغاز اكتر من اغنيةبيطفي الضو ...

فعلاً معك حق يا الــــقرن!

كلمات الواوا فيها ألغاز وأحجيات وخبايا ومعاني خفية....!!!!!!!!!!!!!!!!!

الأخ القرن الستين يشعر ويستشعر عندما يسمع:

أنا برداني آآآآآآآآآآآآآآآآآآآح

......كل جديد ودح

.......وبوس الواوا

.....ويصح!

......وبح

هيدي الكلمات بتعني شي للأخ.. حنين ممكن!!

أما:

أنا أطباعي شــــــرقيّة!

وكل ثقلها.......

فلا تعنيه..!

فعلاً........ إنها ثقافة العصر الستين!!

دخلك وأنا دندن بشو بتوحيلك؟؟؟؟؟؟؟؟؟؟؟؟؟؟؟؟؟؟؟؟؟

[العقل زينة]

القرن ستين :

يا معلم .....

هناك حكمة تقول ((ان الكلام بناطقه))

و طبعا لو أن زياد قال واوا ....لكان لها معنى و هو الذي قال

(ان لم يكن ما تقوله بأدق التفاصيل له معنى و كل المعنى فما تقول شي)

أكيد كتير فرق بين أن يكتب و زياد كلمات .....ويقولها و يلحنها ....

و بين رجب .....اللي مع كل ضربة طبل بتروح فردة خصر ع جهة .......

طبعا علينا أن عندما نسمع زياد أن نفسر (فلا قانون يمنع هذا على ما اعتقد)

.....

أما بالنسبة لقصة الجيل الجديد و القديم ...فطلعوا من هالخبريات ولو ....لا قديم و لا جديد كلو واحد
ما هو فيلم أميركي طويل .......و بال 2005 كان السلطان الامريكي .......

انت يا خيي فادي أكتر واحد بتعرف هالشي صح؟؟؟؟؟

يعطيكون العافي

[القرن الستين]

ما اضطرني للرد مرة ثانية هو ما تفضل به الأخ القرن الستين:

انا هلق فيني اخدلك غنية بوس الواوا ل هيفا وهبة ... بيطلع معي الغاز اكتر من اغنيةبيطفي الضو ...

فعلاً معك حق يا الــــقرن!

كلمات الواوا فيها ألغاز وأحجيات وخبايا ومعاني خفية....!!!!!!!!!!!!!!!!!

الأخ القرن الستين يشعر ويستشعر عندما يسمع:

أنا برداني آآآآآآآآآآآآآآآآآآآح

......كل جديد ودح

.......وبوس الواوا

.....ويصح!

......وبح

هيدي الكلمات بتعني شي للأخ.. حنين ممكن!!

أما:

أنا أطباعي شــــــرقيّة!

وكل ثقلها.......

فلا تعنيه..!

فعلاً........ إنها ثقافة العصر الستين!!

دخلك وأنا دندن بشو بتوحيلك؟؟؟؟؟؟؟؟؟؟؟؟؟؟؟؟؟؟؟؟؟

حاسك كتير معصب و انت عم ترد هالرد ...

انا لما عم استشهد ب غنية بوس الواوا ... ما عم قلك انو هالغنية بتوحي الي بشي ... بس

عم قارنلك الملحمة الشعرية تبع زياد (بيطفي الضو ) ... ب اسقط اغنية عربية (بوس الواوا )

لك يا عمي زياد الرحباني اذا عطس بدنا نفسرلو معناة عطستو ... اي خلصنا بقا ...

و بتقولولي انو تغير مشان يواكب المرحلة الجديدة ... اي اذا تغير معناها لازم ينسى اسلوب

الالغاز ... لانو هلق الدارج الحكي الطج ...

كمان معقول تعملولي انو زياد نسي كل هالاحداث السياسية يلي بلبنان ... و عمل غنية جديدة

مشان يفرجي العالم الفلتان يلي عم يصير بلبنان ؟؟؟

انا برجع ل كلمة زياد يلي قالها مرة ل نانسي عجرم ... ( خلي الفن للفن ... و ال ... لل ... )

هاد بيضل رايي ... و انا ما عندي اي مشكلة اذا ما عجب حدا ... و ياريت يكون ردك يا اخ

سومر مو كل هالقد شخصي ... مو كتير طلعت حلوة معك ...

اما بالنسبة ل ((( العقل زينة )))

حبيب قلبي انت بتعرفني انا من اشد المعجبين ب زياد الرحباني ... و بتعرف اديش كنا انا

و انت ننسا حالنا و نحنا مضيعين وقت كبير و عم نحكي بمسرحية ل زياد ...

ف انت لحالك لازم تعرف اديش انا محروق قلبي من هالغنية يلي طالع فيها ...

شو ما عملت ما فيك تقلي انو بنص الجو متل اعمالو السابقة ... ولا في اي نسبة بيناتهن ...

مع انو قريبة نوعا ما ل الالبوم يلي عملا ياه لفيروز تبع كان غير شكل الزيتون ... و يمكن

لو ما غنتو فيروز ما بفتكر كان حدا كلف خاطرو و سمعو ...

يا العقل زينة ... انا زياد ما بقدر بطل عنو ... لاني مدمن عليه ... بس طبعا ع زياد القديم

مو الجديد ... و انا برايي ...( كان في زياد ... غط و طار ) ...

[العقل زينة]

الهيئة ما حدا رح يقنع التاني كل واحد يضل رأيه الله يعينه .................

كل واحد حر برأيه ..............

و كل واحد بيشوف الموضوع من زاويته الشخصية ....................

مناقشة جميلة جدا و مثالية ....سلام

[Som@r]

عزيزي القرن الستين:

هلق مظبوط أنا عصبي شوي.. متلي متل اللي بصورتي الرمزية!!

المهم...

ما بقا رح زيد شي عللي قلتو..

بس بتمنى منك.. بتمنى منك.. تسمع Cd لطيفة كلو

وما تحكم على عمل بهالمستوى من خلال غنية وحدة..

وأنا أكيد إنك من بعد ما تسمع الألبوم أكتر من مرة..

رح ترجع وتكتب رد وتشكرني وتقول:

"هيدا أحلى ألبوم بسمعو بكل حياتي".....

فإلى اللقاء!

[يا عيني آه]

ترددت كتير قبل ما أكتب بهالموضوع
وصدقوني دخلت شي عشر مرات وكل ما قول بدي رد بتراجع
السبب إنو عن زياد الرحباني الذي أسميه دائماً إبن اللذين... ليش إبن اللذين... لأنو على طول بيصدمني.... (عزيز المواطن أو ما يعادله ) مثلاً... قرأت هالجملة واعتبرتها صدمة...

رح إحكي شو صار معي بخصوص كاسيت بنص الجو للمدعوة لطيفة
شخصياً ما بحب لطيفة كمغنية وما بحاول إسمعلها أبداً ولما نزل كاسيت بنص الجو بصراحة خجلت إشتريه وسمعتو عن طريق النت بس مشان زياد... وحبيت زياد بالكاسيت لأنو حضوروا كان طاغي... أي ما قامت به لطيفة بالنسبة لي هو أداء كلمات ولحن وروح زياد وكانت التجربة ناجحة نسبياً.
أما الحديث عن نهاية ملك الساحة اللبنانية وغير ذلك فهذا أمر فيه الكثير من التسرع ويذكرني بتعليقات العالم العربي على كاسيت كيفك إنت وكيف تم انتقاده بطريقة مضحكة أحياناً إلى أن قرأت تعليقاً للراحل محمد الماغوط اعتبرته منصفاً جداً للكاسيت وللست فيروز والأهم للعبقري زياد... يقول الماغوط (أقدر شعر البحتري ولكنني عندما أستمع إلى كيفك إنت أشعر أنها أهم من كل الشعر العربي)
زياد كثيراً ما ينتقد سلباً وكثيراً ما يتحول الناقد السلبي إلى شخص يخجل من كلامه ويعيد حساباته... من الصعب أن تقرأ المستقبل بشفافية زياد... نستمع إلى فيلم زياد الأمريكي الطويل الآن ونرى ما يحدث بلبنان الآن... نستمع إلى شيء فاشل ونعرف أن كل مشاريع لنان والعرب ما زالت فاشلة إلى الآن...
زياد يسخر من دون أن نشعر ونفهم سخريته بعد أن يكون قد مر بنا دون أن نشعر
وتلفن عياش....

[أبو ميشال]

و الله زياد شو ما عمل بيضل ملك الساحة البنانية و غير اللبنانية
بس انا برأيي ان زياد كموسيقي يتغلب على زياد كشاعر و خاصة في اغاني فيروز الاخيرة ( ضاق خلقي و سلملي عليه و صباح مسا و غيرها )
و لكنه كسر هذه القاعدة بل انعكست مع لطيفة حيث تميز شعرا و لكنه ( نوعا ما ) غاب موسيقيا
و رغم اي شيء يبقى زياد عبقري الموسيقى العربية الاول