ما اللون المفضل الذي تحب ان تسمع الوسوف يغنيه؟

[Puppet]

هلا بجميع الوسوفيين مؤكد ان كل واحد منا يستمع يوميا الى اغاني السلطان التي تدخلنا عالم خاص بنا وباتت هذه الاغاني من روتيننا اليومي ولكن ما اللون المفضل الذي تحب ان تسمعه للوسوف ومن المعروف ان السلطان لديه سجل غني وملىء بالالوان الغنائية من الميجانا والعتابا مرورا بالاغاني الوطنية وصولا الى الطرب الاصيل محطات لا يستطيع التنقل بينها الا فنان يملك موهبة سحرية تنبع من قلبه وياسر بها عقول المستمعين كما انه سجل مشرف ولامع وينم عن موهبة فريدة ونادرة يمتلكها صاحبه بل علامة فارقة في تاريخ الاغنية العربية وسيكون بلا شك محط جدال واعجاب للاجيال المقبلة وسيبقى صداه خالدا يتردد على مسمع الصاغيين الى ابد الابدين

ولكن انت كوسوفي ما اللون المفضل الذي تحب ان تسمع الوسوف يغنيه؟

منقول

[safita-one]

احلى pupet واحلى مشرفة لاحلى قسم
ومنشان هالموضوع من جهتي صعبة رد لاني بعتبر شو ماغنّا
وحتى شو ماحكا بعتبرو غير شكل

[ANGEL]

ضميرياً و من كل قلبي انا شو ماغنا الوسوف بحبو

سبحان الله شو هالسر يعني انا بحياتي ماسمعت او تخيلت اني اسمع ام كلثوم

بس بعد ماغناهم الوسوف صرت بحبون كتير بس بصوتو هوي

مشكورة يا احلى وسوفية بالدني

[يا عيني آه]

أول شي مبروك الإشراف وبتستاهلي والله
تاني شي أنا بحب الوسوف باللون الوسوفي !!!!!!!!!!!!!!!

[شامي مرّ]

متل ما قالوا الشباب مبروك الإشراف.........
أنا أكتر لون بحبو لأبو وديع هو الأغاني اللي بتقول للحبيب الخائن : اصطفل........
متل : سيبهم....

[Puppet]

اكيد شو ما غنى الوسوف حلو
بس في ناس بيحبوه باغاني ام كلثوم ومنهم بيحبوه بالشعبي ومنهم بيحبوه بجنونه وهدول انا منهم

اكيد الوسوف وسوف شو ما غنى بس انتو باقي الوسوفية كيف بتحبوه ؟؟؟؟؟؟؟؟؟؟؟

[Som@r]

أنا بفضل اللون اللبناني.. متل حبيت ارمي الشبك... وحنينك حنيني

[ziad]

الأغنية السورية أو اللبنانية : لاتتمرجل على عاشق قلبو ابتلى
اي يلعن اختا ما أحلاها....

لازم يغني كم غنية باللهجة السورية و أغنية واحدة بالصفتلي
متل: أبعرف غير حبك يا جميل

[feddo]

مبروك الاشراف
بالنسبة الي بفضل الوسوف يغني اللون الكحلي واللون الازرق كتير حلوين واللون الأحمر كمان :)
اما بالنسبة للغناء فالوسوف الو لون خاص فيه ما بيقدر الواحد يصنفو بين التصنيفات المعروفة
رغم انو صوتو الحالي الكل بيشوفو مبحوح
بس الطبقات يلي بيطلع فيها والطريقة يلي بيغني فيها الوسوف هيي ابداع خاص ما حدا من جميع مقلديه قدر يغني متلو
ازا بتحاولو تقلدوه بالغني ومشّو الغنية انتو وعم تغنو معو بتلاحظو انو مو تنيناتكون بتنطقو الجملة بنفس الوقت
لأنو ما بتقدرو تتوقعو كيف بيلعب بالكلمات
بس احلى شي غناه الوسوف هوي اللون الكفروني